لوېــــږم ساقي د پـــرېــوتــو سره بلد نه یمه
ما خو وویل چې د پیالو سره بلد نه یمه
وخته د سترګو غړېدو سره مې لاس مه تړه
زه خو لا هیڅ د زولنو سـره بلد نه یمه
دا پښتـــونخوا ده دلته مینه هیڅوک نه پېژني
په خپل اولس کښـې د دُرخو سره بلد نه یمه
د زلفو خیال دې د صحرا په لور بلنې کوي
زه د خاموشه ورځو شپو سره بلد نه یمه
سپېنې خبرې تـه دې غوږ یم چې به وایې کله
وړوکی زه د اشارو سره بلد نه یمه
ته د ناترسه تصور نه زما خوب اوپوښته
د دي پریشانه شــوګیرو سره بلد نه یمه
هره لمحه د ژوند یو نوی انقلاب راولي
زه د ژوندون د تقاضو سره بلد نه یمه
زړه راته وابي چې ورګـــوره ورکتی نه شمه
د هغو سترګو امزرو ســـره بلد نه یمه
د سرور اور شو په ما بل چې دې راسرې کړې سترګې
هسې می وېل چی د لمبو سره بلد نه یمه
خیبره خېر دې وي راپېښه شوه څه نوې مینه
زه د الفت د باریکـو سره بلد نه یمه
خیبر افریدی
د کاپي کولو په صورت کي د منبع په توګه د قاموسونه ټکی کام نوم او د دغه مطلب/مقالې د بشپړه لينک اضافه کول حتمي دي.
________________
د قاموسونه ټکی کام د ټولو مطالبو ليسټ او لينکونه
________________
